ನನ್ನ ಬ್ಲಾಗಮಂಡಲದ ಬಗ್ಗೆ ...

ಬ್ಲಾಗುವುದುಹೊಚ್ಚ ಹೊಸ ಹುಚ್ಚು. ಅಂತರ್ಜಾಲದ ಮೂಲಕ ಯೋಚನೆಗಳನ್ನು ಇನ್ನೊಬ್ಬರಿಗೆ ಮುಟ್ಟಿಸಬಲ್ಲ ಈ ನವನವೀನ ಸರಳ ಸಾಧನದ ಮುಂದೆ ನಾನೂ ತಲೆಬಾ(ಬ್ಲಾ)ಗಲೆಬೇಕಾಯಿತು. ಅನುಭವಜನ್ಯವಾದ, ವಿಚಾರ ವೇದ್ಯವಾದ ಅನೇಕ ವಿಷಯಗಳನ್ನು, ಮನಸ್ಸು ಯಾವುದೋ ಲಹರಿಯಲ್ಲಿ ಓಡುವಾಗ ತಡೆ ಒಡ್ಡಿದ ಅನೇಕ ಯೋಚನೆಗಳನ್ನು ಎಲ್ಲರೊಂದಿಗೆ ಹಂಚಿಕೊಳ್ಳಬೇಕೆಂದು ಇಲ್ಲಿ ಬ್ಲಾಗುತ್ತಿದ್ದೇನೆ. ಯಾವುದೋ ಒಂಟಿತನದಲ್ಲಿ ಕಾಡಿದ, ದೀರ್ಘ ಪ್ರಯಾಣಗಳ ನಡುವೆ ಓರೆಹಚ್ಚಿದ, ಪುಸ್ತಕಗಳನ್ನು ಓದುವಾಗ ಎದೆಯಲ್ಲಿ ಅದುರಿದ ಕೆಲವು ಚಿಂತನೆಗಳನ್ನು ಸ(ಮ)ಹೃದಯಿಗರೊಡನೆ ಹಂಚಿಕೊಳ್ಳುವ ಬಯಕೆ ನನ್ನದು. ನಿಮ್ಮ ಸಲಹೆ, ಸೂಚನೆ, ಟೀಕೆಗಳಿಗೆ ಸದಾ ಆದರದ ಸ್ವಾಗತ. ನಿಮ್ಮ ಅಮೂಲ್ಯ ಸಮಯದ ಕೆಲ ನಿಮಿಷಗಳನ್ನು ಇದಕ್ಕಾಗಿ ವ್ಯಯಿಸಿದರೆ ನಿಮಗೆ ನಾನು ಸದಾ ಋಣಿ.